Elçin Yusubov: Xankəndidə 3 mindən çox tələbə təhsil alır
Bakı, 11 sentyabr, AZƏRTAC
Hazırda Xankəndidə 3 mindən çox tələbə təhsil alır.
AZƏRTAC xəbər verir ki, bunu Xankəndi şəhəri, Xocalı və Ağdərə rayonlarında Azərbaycan Respublikası Prezidentinin xüsusi nümayəndəsi Elçin Yusubov sentyabrın 11-də Azərbaycanda akkreditə olunmuş diplomatik korpusun nümayəndələrinin Xankəndiyə səfəri zamanı deyib.
O bildirib ki, tələbələr şəhər əhalisinin 10 faizindən çoxunu təşkil edir. Elçin Yusubov qeyd edib ki, Xankəndidə yeni binalar və parklar inşa olunur, müxtəlif infrastruktur layihələri həyata keçirilir, keçmiş məcburi köçkünlərin şəhərə qayıdışı prosesi davam etdirilir.
Müxbirlər - Pərvanə Qafarova, Gülay Nəzərova
Fotoqraf - Tofiq Babayev
Videooperator - Mirrəsul Cəfərov
Bölmənin digər xəbərləri
