Elektron turist vizasının tətbiqi ölkəmizdə gəlmə turizminin inkişafı üçün yeni imkanlar açır
Bakı, 29 dekabr, AZƏRTAC
Ölkəmizə gələn xarici turistlərin sayının artırılması, gəlmə turizminin daha da inkişaf etdirilməsi və bu sahədə olan problemlərin həll olunması istiqamətində Mədəniyyət və Turizm Nazirliyi tərəfindən mütəmadi olaraq tədbirlər görülür.
Azərbaycan Prezidentinin müvafiq Sərəncamı ilə 2013-cü ilin mart ayından xarici turistlərə elektron turist vizalarının verilməsinə başlanılıb.
Mədəniyyət və Turizm Nazirliyinin mətbuat xidmətindən AZƏRTAC-a bildirilib ki, hazırda elektron turist vizasının verilməsi ilə bağlı nazirlik tərəfindən 55 turizm şirkəti akkreditasiyadan keçib.
2013-cü il ərzində turizm şirkətləri tərəfindən elektron turist vizası vasitəsilə ölkəmizə gələn xarici turistlərin sayı 6.147 nəfər təşkil edib. 2014-cü ilin ilk altı ayında bu rəqəm 11.933 nəfər olub.
Bütün bunlar deməyə əsas verir ki, bu sistem vasitəsilə elektron turist vizası alan xarici turistlərin sayı artacaq və gəlmə turizmi inkişaf edəcəkdir.
Bölmənin digər xəbərləri
