Elnur Məmmədov: “Qarabağ”ın işğaldan azad olunmuş ərazilərə səfəri bütün sakinlərin üzündə təbəssüm yaratdı
Ağdam, 25 iyun, AZƏRTAC
İşğaldan azad olunmuş ərazilərə edilən bu səfər yaşından asılı olmayaraq, Qarabağın bütün sakinlərinin üzündə təbəssüm yaratdı.
AZƏRTAC xəbər verir ki, bu sözləri Gənclər və İdman Nazirliyinin İdman şöbəsinin müdiri Elnur Məmmədov “Qarabağ” futbol klubunun rəhbərliyinin, futbolçularının və məşqçi heyətinin Şuşa, Xankəndi, Ağdam və Füzuliyə səfəri ilə bağlı danışarkən deyib.
O, “Qarabağ”ın bu təşəbbüslə çıxış edən ilk futbol komandası olduğunu xatırladıb: "2024-cü ilin yekunları ilə bağlı Prezident İlham Əliyevlə görüş zamanı idman ictimaiyyətinə çağırış olmuşdu. Görkəmli idmançıların işğaldan azad olunmuş bölgələrə səfər etməsi istənilmişdi. Həmin vaxt 10 mindən çox insan işğaldan azad olunmuş ərazilərə köçürülmüşdü. Onlar üçün yaxşı şərait yaradılmışdı. Belə görüşlər gənclər və uşaqlar üçün xüsusi hədiyyədir. "Qarabağ" klubu tərəfindən bu çağırış dəstəkləndi, nəticədə Gənclər və İdman Nazirliyinin dəstəyi ilə səfər təşkil olundu. Hamımız birlikdə buradayıq. Əhali ilə görüşdük, burada onlar üçün yaradılan şəraitlə tanış olduq. Birgünlük səfər olmasına baxmayaraq, uşaqlara sevinc bəxş etdik. Ona görə də, bu cür səfərlər davamlı olacaq".
Bölmənin digər xəbərləri
