Elxan Cəfərov: “Akinak”dakı qəhrəmanlar daha çox mifik personajlardır
Bakı, 30 aprel, AZƏRTAC
“Akinak” filmindəki hadisələr təqribən eramızdan əvvəl VIII-VII əsrlərə aiddir. Filmdəki Ata Arbak obrazı qədim dildə idarəçi, rəhbər deməkdir, Qoytasar bizim qədim türk mədəniyyətinə, türk tarixinə aid personajdır. Ekran işindəki qəhrəmanlar daha çox mifik personajlardır.
Bunu AZƏRTAC-a açıqlamasında filmin quruluşçu rejissoru, Əməkdar incəsənət xadimi Elxan Cəfərov deyib.
O diqqətə çatdırıb ki, ekran əsəri qədim tariximizə ekskursiyadır. “Film sırf tarixi deyil, macəra və nağıl filmidir. Daha çox gənclər və yeniyetmələr üçün nəzərdə tutulub. Çox istərdik ki, ilk növbədə məhz gənc nəsil və yeniyetmələrimiz filmi izləsin, dəyərləndirsin və ondan bəhrələnsinlər",- deyə filmin rejissoru əlavə edib.
Müxbir - Fidan Əlizadə
Fotoqraf - Nicat Haşımov
Bölmənin digər xəbərləri
