“ƏLYAZMA KOLLEKSİYALARI KATALOQU” ÇAPDAN ÇIXMIŞDIR
Məlum olduğu kimi, bir sıra qiymətli Azərbaycan əlyazma nümunələri görkəmli kolleksiyaçıların şəxsi fondunda toplanmışdır. Müəllif Kataloqu Əlyazmalar İnstitutunda saxlanılan həmin fondlar əsasında tərtib etmişdir.
Kataloqa M.F.Axundovun, Abbasqulu ağa Bakıxanovun, Bəhmən Mirzə Qacarın, Novruz Ağayevin, Abdulla Şaiqin, Həbib Səmədzadənin, Məhəmməd Tağı Sidqinin, Hüseyn Əfəndi Qayıbovun institutunda saxlanılan kolleksiyaları daxil edilmişdir.
Tədqiqatçı kolleksiyaların təsvirinə keçməzdən əvvəl, onların müəlliflərinin həyat və yaradıcılığından söz açmışdır. Əlyazmalar təsvir edilərkən əsərin adı, müəllifi, katibi, dili, köçürüldüyü tarix və yer, xətti, ölçüsü, cildi, həcmi, şəxsi möhürü, yeri gəldikcə, əsərin məzmunu haqqında məlumat verilmişdir. Kolleksiyaların təsvirində onların sahiblərinin təvəllüd tarixləri əsasında ardıcıllıq gözlənilmişdir. Nəşrin sonunda göstəricilər də verilmişdir.
Kataloqun elmi redaktoru filologiya elmləri doktoru Cənnət Nağıyevadır.
Bölmənin digər xəbərləri
