Əmək və əhalinin sosial müdafiəsi naziri Mingəçevirdə vətəndaşları qəbul edəcək
Bakı, 13 sentyabr, AZƏRTAC
Əmək və əhalinin sosial müdafiəsi naziri Sahil Babayev sentyabrın 22-də Mingəçevir şəhərində həmin şəhərin və Yevlax rayonunun sakinlərini qəbul edəcək.
Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, vətəndaşlar sentyabrın 13-15-də nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq qəbula yazıla bilərlər.
Vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.
Bölmənin digər xəbərləri
