Əmlak Xidmətləri Məkanı xüsusi iş rejimində fəaliyyət göstərəcək
Bakı, 16 mart, AZƏRTAC
Əmlak Məsələləri Dövlət Komitəsinin Əmlak Xidmətləri Məkanı xüsusi iş rejimində fəaliyyət göstərəcək.
İqtisadiyyat Nazirliyinin mətbuat xidmətindən AZƏRTAC-a bildirilib ki, koronavirus pandemiyasının (COVID-19) yayılmasının qarşısının alınması ilə əlaqədar görülən tədbirlər barədə Nazirlər Kabineti yanında Operativ Qərargahın 2020-ci il 13 mart tarixli məlumatı, habelə Dünya Səhiyyə Təşkilatının tövsiyəsi nəzərə alınaraq, Əmlak Xidmətləri Məkanının fəaliyyəti martın 16-dan 20-dək məhdudlaşdırılır. Vətəndaşlar komitənin “Elektron xidmətlər portalı”dan yararlana, əlavə suallarla 193 Çağrı mərkəzinə müraciət edə bilərlər. Əmlak Məsələləri Dövlət Komitəsi, həmçinin vətəndaşların sağlamlığı və təhlükəsizliyi səbəbi ilə hazır sənədlərin alınmasını müvəqqəti olaraq təxirə salmağı tövsiyə edir.
Eyni zamanda, vətəndaşların nəzərinə çatdırılır ki, Novruz Bayramı ilə əlaqədar Əmlak Xidmətləri Məkanında martın 20-28-i qeyri-iş günləri olacaq.
Bölmənin digər xəbərləri
