ERMƏNİ LOBBİSİNƏ QARŞI MÜBARİZƏ GÜCLƏNDİRİLMƏLİDİR
Dövlətimizin başçısı xüsusi vurğulamışdır ki, bu istiqamətdə biz öz siyasətimizi, mübarizəmizi daha da güclü aparmalıyıq, diplomatik nümayəndəliklərimiz bu məsələdə çox fəal olmalıdırlar. Onlar işlədikləri ölkələrin təkcə dövlət qurumları ilə deyil, parlament üzvləri, qeyri-hökumət təşkilatları ilə, mətbuatla, geniş şəkildə ictimaiyyətlə təmasda olmalıdırlar ki, Azərbaycan haqqında reallıqlar dünya birliyinə olduğu kimi çatdırılsın.
Son iki ildə daha 21 ölkədə səfirliyin təsis olunduğunu bildirən Prezident demişdir ki, çox böyük maliyyə vəsaiti tələb etməsinə baxmayaraq, ölkəmizin tanıdılması, Azərbaycanın müxtəlif ölkələrdə öz mövqelərini möhkəmləndirməsi, imkanlarımızın və dünyada gedən proseslərdə Azərbaycanın rolunun artması üçün biz bunu edirik. Bu istiqamətdə hələ böyük işlər görmək lazımdır.
Bölmənin digər xəbərləri
