Erməni millətçilərinin azərbaycanlılara qarşı həyata keçirdikləri soyqırımı aktları xalqımızın qan yaddaşından silinməyəcəkdir
Bakı, 31 mart (AZƏRTAC). Azərbaycanın Qarsdakı baş konsulluğu 31 mart-Azərbaycanlıların Soyqırımı Günü ilə bağlı məlumat yaymışdır.
Məlumatda bildirilir ki, son iki yüz ildə erməni millətçilərinin və оnlаrın hаvаdаrlаrının azərbaycanlılara qarşı apardıqları soyqırımı və deportasiya siyasəti xalqımızın qan yaddaşından heç zaman silinməyəcəkdir.
1918-ci ilin mart qırğınları xalqımıza qarşı zaman-zaman həyata keçirilən sоуqırımı aktlarından biridir. Erməni-bolşevik quldur dəstələri 1918-ci il martın 30-dan aprelin 2-dək Bakıda və Bakı quberniyasının müxtəlif bölgələrində kütləvi qırğınlar törətmişlər.
Mart qırğını zamanı Şamaxıda, Zəngəzurda, Qubada və Azərbaycanın digər bölgələrində yüzlərlə yaşayış məntəqəsi yerlə- yeksan edilmiş, yerli əhali qətlə yetirilmişdir. Erməni daşnakları xüsusilə Bakıda minlərlə azərbаусаnlının həyatına son qoymuş, tarixi abidələri məhv etmişlər. Eyni zamanda,1918-1920-ci illərdə Аzərbаусаnın yüzlərlə şəhər və kəndi, о cümlədən Qаrаbаğın dağlıq hissəsində azərbаусаnlılаrın yaşadıqları 150 kənd dağıdılmış, soydaşlarımız misli görünməmiş amansızlıqla qətlə yetirilmişlər.
Məlumatda diqqətə çatdırılır ki, erməni millətçilərinin xalqımıza qarşı təcavüzü hələ də davam etməkdədir. Siyasi-ideoloji təxribat və dezinformasiya sahəsində zəngin təcrübəyə malik erməni milliyyətçiləri və xaricdəki erməni lobbisi ölkəmizə qarşı əsl niyyətlərini gizlədərək, hiyləgər üsullarla dünya xalqlarını çaşdırmağa və XX əsrdə törətdikləri qırğın və işğalları unutdurmağa çalışırlar.
Qeyd olunmuşdur ki, ulu öndər Heydər Əliyevin 1998-ci il martın 26-da imzaladığı “Azərbaycanlıların soyqırımı haqqında” Fərman ilə 31 Mart-Azərbaycanlıların Soyqırımı Günü olaraq elan edilmişdir. Bu Fərman XX əsrdə Azərbaycan xalqına yönəlmiş soyqırımı cinayətinin bugünkü və gələcək nəsillərə gələcək nəslə çatdırılması,
bütün dünyada 1918-ci ilin mart qırğınlarına siyasi qiymət verilməsi baxımından olduqca mühüm bir sənəddir.
Eyni zamanda məlumatda 1918-ci ildə Qafqaz İslam Ordusunun azərbaycanlılarla birlikdə erməni quldur dəstələrinə qarşı mübarizə aparması yer almışdır. Məlumatda bildirilir ki, xilaskar Qafqaz İslam Ordusunun timsalında bütün türk xalqına minnətdarlığımızı bildirir, Azərbaycan torpaqlarında canlarından keçmiş əsgərlərə isə Uca Tanrıdan rəhmət diləyirik.
Bölmənin digər xəbərləri
