ERMƏNİ VƏHŞİLİKLƏRİ İLƏ BAĞLI BEYNƏLXALQ TƏŞKİLATLARA MÜRACİƏTLƏR GÖNDƏRİLMİŞDİR
Prezidentin İcra Aparatının xarici əlaqələr şöbəsinin müdiri Novruz Məmmədov jurnalistlərlə söhbətində demişdir ki, ermənilərin işğal olunmuş Azərbaycan ərazilərindəki vəhşilikləri ilə bağlı beynəlxalq təşkilatlara mütəmadi müraciətlər göndərilir. Xarici İşlər, İqtisadi İnkişaf, Ekologiya və Təbii Sərvətlər nazirlikləri Azərbaycan meşələrinin qırılması, təbii sərvətlərimizin talan olunması, tarixi mədəni abidələrimizin dağıdılması və işğal altında olan ərazilərimizin yandırılması ilə bağlı dünya dövlətlərinə və beynəlxalq təşkilatlara müracitlər ünvanlayır, onlardan bu vandalizmə münasibət bildirməyi tələb edirlər. Təəssüflər olsun ki, hələlik bu müraciətlərə reaksiya yoxdur, amma ümid edirik ki, beynəlxalq ictimaiyyət məsələ ilə bağlı hökmən öz sözünü deyəcəkdir.
Bölmənin digər xəbərləri
