Ermənilər xalqımıza qarşı soyqırımını düşünülmüş və planlı şəkildə həyata keçiriblər
Ağdaş, 31 mart, AZƏRTAC
Martın 31-də Ağdaş rayonunda Azərbaycanlıların Soyqırımı Günü ilə əlaqədar tədbir keçirilib.
AZƏRTAC xəbər verir ki, rayon ictimaiyyətinin nümayəndələri əvvəlcə Şəhidlər xiyabanını ziyarət ediblər.
Tədbirdə soyqırımı qurbanlarının və şəhidlərin xatirəsi bir dəqiqəlik sükutla yad olunub. Çıxış edənlər bildiriblər ki, son iki əsrdə ermənilərin Azərbaycan xalqına qarşı düşünülmüş şəkildə həyata keçirdikləri soyqırımı nəticəsində yüzlərlə yaşayış məntəqəsi yerlə-yeksan edilib, minlərlə azərbaycanlı qəddarcasına öldürülüb, bir milyondan çox insan evindən, el-obasından didərgin düşüb.
Qeyd olunub ki, azərbaycanlıların məruz qaldıqları faciələrin dünya ictimaiyyətinə çatdırılması, siyasi-hüquqi qiymət verilməsi istiqamətində Prezident İlham Əliyevin gördüyü işlər öz nəticələrini verməkdədir.
Çıxışlarda işğal altındakı torpaqlarımızın düşmən tapdağından tezliklə azad ediləcəyinə əminlik ifadə olunub.
Tədbirdə ermənilərin azərbaycanlılara qarşı düşünülmüş, planlı surətdə həyata keçirdikləri soyqırımı siyasətinin ayrı-ayrı mərhələlərini və həmin qanlı hadisələri əks etdirən tarixi faktlar iştirakçıların diqqətinə çatdırılıb.
Xatırladaq ki, 31 Mart - Azərbaycanlıların Soyqırımı Günü ilə əlaqədar Ağdaş rayonunun mədəniyyət müəssisələrində ədəbi-bədii tədbirlər keçirilib, orta məktəblərdə xüsusi dərslər təşkil olunub.
Bölmənin digər xəbərləri
