ERMƏNİLƏRİN UYDURMA SİYASƏTİ NÖVBƏTİ DƏFƏ İFLASA UĞRADI

05.01.2006 [19:37]
Çap et
A⁺ A^-

Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, bu günlərdə Çexiya Respublikasında ermənilərin Azərbaycan əleyhinə daha bir kampaniyasının qarşısı alınmışdır. Çexiyanın Qeyri-Hökumət Təşkilatlarının təşəbbüsü ilə Cənubi Qafqaz respublikalarının mədəniyyətlərinə, tarixinə həsr olunmuş tədbirdə ermənilər özlərini əzilən və məzlum, təcavüzə məruz qalmış azərbaycanlıları isə zülmkar və təcavüzkar xalq kimi təqdim etməyə cəhd göstərmişlər.

Çexiya Respublikasında fəaliyyət göstərən “Azəri-Çex” Dostluq Cəmiyyətinin üzvləri bunun qarşısını məharətlə almışlar. Soydaşlarımız, əvvəlcə çexləri və digər iştirakçıları Azərbaycan mətbəxinin yeməklərindən ibarət süfrəyə dəvət etmişlər. Sonra azərbaycanlıların tarixən məruz qaldığı təcavüz və soyqırımları əks etdirən audio, video və fotomateriallar nümayiş etdirilmişdir. Ermənilərin türklərə və azərbaycanlılara qarşı törətdikləri vəhşiliklər tədbir iştirakçılarının heyrətinə və qəzəbinə səbəb olmuşdur.

Dağlıq Qarabağdan olan bir erməni isə azərbaycanlılardan üzr istəyərək tədbiri tərk etmişdir.