Ermənistan silahlı qüvvələrinin bölmələri Azərbaycan ordusunun mövqelərini atəşə tutmaqda davam edir
Bakı, 7 may (AZƏRTAC). Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan silahlı qüvvələrinin bölmələri mayın 6-da saat 11.45-dən 12.20-dək Gədəbəy rayonunun ərazisindəki adsız yüksəkliklərdə, saat 21.15-dən 21.25-dək Füzuli rayonunun Horadiz kəndi yaxınlığında, saat 19.25-dən 19.55-dək və mayın 7-də saat 5.15-dən 5.30-dək Tərtər rayonunun Qızıloba və Çaylı kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur. İtki yoxdur.
Bölmənin digər xəbərləri
