Ermənistanda alkoqollu içkidən zəhərlənən 12 nəfər ölüb
Tbilisi, 1 sentyabr, AZƏRTAC
Ermənistanda alkoqollu içkilərdən kütləvi zəhərlənmə baş verib. Onlardan 12 nəfəri ölüb.
AZƏRTAC xəbər verir ki, bu barədə Ermənistanın Səhiyyə Nazirliyi məlumat yayıb.
Bildirilir ki, avqustun 31-də ağır vəziyyətdə Armavir Tibb Mərkəzinə gətirilmiş 10 nəfərə alkoqoldan zəhərlənmə diaqnozu qoyulub.
Xəstəxanaya gətirilən şəxslərdən 3-ü orada ölüb. Daha 4 nəfər İrəvandakı “Ermənistan” klinikasında həyatını itirib.
Digər 1 nəfər İrəvanın “Erebuni” tibb Mərkəzində ölüb.
Sentyabrın 1-də eyni simptomlarla İrəvandan “Ermənistan” klinikasına gətirilən xəstələrdən daha 4 nəfərin öldüyü bildirilir.
Kütləvi zəhərlənməyə səbəb olmuş alkoqollu içkinin istehsalı ilə məşğul olan şəxs artıq həbs olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
