Əşrəf Hakimi Mərakeş millisində 100-cü oyununu keçirib
Bakı, 30 iyun, AZƏRTAC
Fransanın PSJ klubunun futbolçusu Əşrəf Hakimi Mərakeş millisinin heyətində 100-cü oyununu keçirib.
AZƏRTAC xəbər verir ki, 26 yaşlı müdafiəçi dünya çempionatının 1/16 final mərhələsində Niderlanda qarşı keçirilən görüşdə bu göstəriciyə çatıb.
Əşrəf Hakimi bununla da Mərakeş millisinin tarixində 100 oyuna çıxan ikinci futbolçu olub. Bu göstəricidə rekord 115 matçla Nurəddin Naybetə məxsusdur.
Qeyd edək ki, Mərakeş millisi əsas və əlavə vaxtı 1:1 hesablı heç-heçə ilə başa çatan görüşün penaltilər seriyasında Niderlanda qalib gələrək (3:2) növbəti raunda yüksəlib.
Bölmənin digər xəbərləri
