Ətraf Mühitin Mühafizəsi üzrə Dövlət Fonduna 622 min 663 manat vəsait köçürülmüşdür
Bakı, 2 avqust (AZƏRTAC). Ekologiya və Təbii Sərvətlər Nazirliyi ətraf mühitin mühafizəsinə nəzarəti gücləndirmək üçün tədbirləri davam etdirir.
Nazirliyin mətbuat xidmətindən AZƏRTAC-a verilən məlumata görə, bununla əlaqədar 2011-ci ilin birinci yarısında hüquqi və fiziki şəxslər tərəfindən yol verilmiş qanun pozuntularına görə 1001 akt və 325 protokol tərtib olunmuş, hüquq-mühafizə orqanlarına göndərilmiş 408 işdən 118-nə baxılmışdır.
Bundan başqa, 347 iş üzrə 2 milyon 633 min 98 manat cərimə tətbiq edilmiş, 308 iş üzrə 376 min 571,78 manat məbləğində iddia qaldırılmışdır. Ətraf Mühitin Mühafizəsi üzrə Dövlət Fonduna 622 min 663 manat vəsaitin köçürülməsi təmin edilmişdir.
Bölmənin digər xəbərləri
