FACİƏNİN İLDÖNÜMÜNƏ HƏSR EDİLMİŞDİR
Qadın Problemləri üzrə Dövlət Komitəsində Xocalı faciəsinin onuncu ildönümü ilə əlaqədar yığıncaq keçirilmişdir. Komitənin sədri Zəhra Quliyeva, müxtəlif qeyri-hökumət qadın təşkilatlarının nümayəndələri yığıncaqda çıxış edərək, bildirdilər ki, Xocalı faciəsi XX əsr ərzində ermənilərin Azərbaycanın dinc əhalisinə qarşı törətdikləri ilk soyqırım deyildir.
Xocalı qaçqını, jurnalist Səriyə Müslüm doğma şəhərinin bir andaca yer üzündən silindiyi, yüzlərlə insanın qətlə yetirildiyi o müdhiş dəqiqələr barədə xatirələrini danışdı. O, özünün ingiliscə nəşr olunmuş “Ümidsiz öləcəyəm” kitabını Komitəyə hədiyyə verdi.
Yığıncaqda Avropa Şurasına və digər beynəlxalq təşkilatlara müraciət qəbul edildi.
Bölmənin digər xəbərləri
