FDA donvurma əleyhinə ilk dərmanı təsdiqləyib
Bakı, 22 fevral, AZƏRTAC
ABŞ-ın Qida və Dərmanlara Sanitar Nəzarət İdarəsi (FDA) donvurmanın müalicəsi üçün ilk dərmanı təsdiqləyib.
AZƏRTAC “Science Alert” saytına istinadla xəbər verir ki, “iloprost” adlı yeni preparat ilk dəfə donvurmaya qarşı deyil, ağciyərlərdə yüksək qan təzyiqini müalicə etmək üçün hazırlanıb. Təkrar sınaqlardan sonra onun şiddətli donmaya məruz qalan pasiyentlərə müsbət təsir göstərdiyi müəyyənləşib.
Kliniki sınaqlar zamanı o da məlum olub ki, həmin preparatdan istifadə etməyən xəstələrin 60 faizində donvurma ciddi xəsarətlərlə nəticələnir.
Statistikaya görə, hər il Finlandiya əhalisinin 1,1 faizi şiddətli, 12,9 faizi isə yüngül donvurmaya məruz qalır. “İloprost” preparatı donvurma nəticəsində ciddi xəsarətlər alan insanların donmuş orqanlarının amputasiya riskini əhəmiyyətli dərəcədə azaldır.
Bölmənin digər xəbərləri
