FƏLAKƏT ZONASINDA YARANMIŞ FƏSADLAR ARADAN QALDIRILIR
Sabirabad, 29 iyun (AZƏRTAC). Təbii fəlakət zonasında daşqınların törətdiyi fəsadlar aradan qaldırılır. Bununla yanaşı, əhaliyə dəyən ziyanın ödənilməsi istiqamətində də araşdırmalar aparılır.
Prezident İlham Əliyevin göstərişlərinə uyğun olaraq bölgədə kompleks işlər davam etdirilir.
AZƏRTAC xəbər verir ki, fəlakət nəticəsində evlərindən köçürülərək Şirvandakı çadır şəhərciyində məskunlaşan əhali tədricən evlərinə qayıdır. Daşqın sularından təmizlənən ev və həyətlərdə dezinfeksiya işləri davam etdirilir.
Çadır şəhərciyində qalan əhaliyə gəlincə, onların sayı xeyli azalmışdır.
Təbii fəlakət nəticəsində evlərindən köçürülən əhalinin özləri ilə gətirdikləri mal-qara və ev quşları da bu müddətdə tam nəzarətdə olmuşdur.
Şirvan Baytarlıq İdarəsinin rəisi Yasər Əsgərovun sözlərinə görə, onlar vaxtaşırı yoxlanılmış, heç bir xəstəlik aşkar edilməmişdir.
Bölgədə son günlər görülən intensiv işlər nəticəsində Kür çayının Sarısu gölünə axan hissəsində yarılan bəndlər bərpa olunmuşdur.
Bununla da gölətrafı kəndlərdə yığılıb qalan suyun çəkilməsi sürətlənmişdir.
Bölmənin digər xəbərləri
