Feliks Gutzviller: Birgə layihəmiz Azərbaycanda qadın sahibkarlığının inkişafına töhfə verəcək
Bakı, 17 aprel, AZƏRTAC
Bakının Xəzər rayonundakı Qadın Resurs Mərkəzində vəziyyətlə yaxından tanış olduq, həmçinin gələcək planları müzakirə etdik.
Vəziyyətlə tanış olduqdan və müzakirələrdən sonra deyə bilərəm ki, "Cənubi Qafqazda qadınların iqtisadi səlahiyyətləndirilməsi” layihəsi Azərbaycanda Qadın Resurs mərkəzlərinin sayının artmasına və qadın sahibkarlığının inkişafına töhfə verəcək.
AZƏRTAC xəbər verir ki, bunu İsveçrənin Beynəlxalq Əməkdaşlıq üzrə Məşvərət Komissiyasının prezidenti Feliks Gutzviller aprelin 17-də Bakının Xəzər rayonundakı Qadın Resurs Mərkəzində "Cənubi Qafqazda qadınların iqtisadi səlahiyyətləndirilməsi” layihəsi çərçivəsində keçirilən görüşdən sonra jurnalistlərə müsahibəsində deyib.
İsveçrə rəsmisi diqqətə çatdırıb ki, Bakıya səfərində əsas məqsəd İsveçrə Əməkdaşlıq Təşkilatı ilə Azərbaycan arasında əməkdaşlıq haqqında layihələrin icra səviyyəsini qiymətləndirməkdir. “İlk işimiz Bakının Xəzər rayonundakı Qadın Resurs Mərkəzindən başladı. Qadınların əl işlərini, əl əməyini gördük və bu, bizi ruhlandırdı. Qadınlar öz məhsullarının onlayn satışını da həyata keçirirlər. Bu, çox yaxşıdır.
Düşünürəm ki, Azərbaycan xanımları bu layihədən daha çox faydalana biləcəklər”, - deyə Feliks Gutzviller vurğulayıb.
Bölmənin digər xəbərləri
