FESTİVAL FİLMLƏRİ
İqor Bolqarinin və Viktor Smirnovun ssenarisi əsasında Rejissor Artyom Antonovun çəkdiyi “Alaqaranlıq” filmində hadisələr 1944-1945-ci illərin qışında baş verir. Tayqanın dərinliklərində, sakit şimal kəndində alman hərbi əsirlərindən ibarət briqada radiomayak üçün qüllə tikir. Doğmalarını və yaxınlarını müharibədə itirmiş kəndin sakinləri əsirləri haqlı olaraq nifrət hissi ilə qarşılayırlar. Bu, tarixi qarşılıqlı əlaqələrin və talelərin dolaşıqlığına baxmayaraq, insanları ayıran və birləşdirən amillərdən bəhs edən hekayətdir. Rollarda Yuri Tarasov və Anastasiya Şevelyova çəkilmişlər.
“Nanki mənzərəsi” iki fantastik əhvalatdan ibarətdir. Filmin qəhrəmanı Aleksandr uzaq Çindən, burada yaşadığı gözəl, lakin faciəli sevgi macərasından söhbət açır. Digər hadisə isə həbsxanada məhbusun başına gələn əhvalatdır. Filmin quruluşçu rejissoru Valeri Rubinçik, ssenari müəllifi Andrey Bıçkovdur. Baş rolları Darya Moroz, Konstantin Lavronenko və Yeqor Barinov ifa edirlər.
“Gözləmə təqvimi” adlı tacik filminin quruluşçu rejissoru və ssenari müəllifi Safarbek Soliyevdir. Filmdə ucqar dağ kəndindən, onun sakinlərinin özünəməxsus həyat tərzindən danışılır. Səməd əkə məzarı üçün taxtalar düzəltməkdən ötrü ağacı qırır. Onun Sibirə sürgün edilmiş babasının məzarı məlum deyildir. Müharibə dövründə Almaniyada həlak olmuş atasının qəbrini də harada axtaracağını bilmir. Səməd əkə isə doğma torpağında layiqincə dəfn olunmaq istəyir.
Bölmənin digər xəbərləri
