Fevral ayının ikinci yarısında Elm və Təhsil Nazirliyinə 21 minədək müraciət daxil olub
Bakı, 4 mart, AZƏRTAC
Fevralın 16-dan 29-dək Elm və Təhsil Nazirliyi və qurumlarına 20 497 vətəndaş müraciəti daxil olub.
Nazirlikdən AZƏRTAC-a bildirilib ki, müraciətlərin 14 230-u Çağrı mərkəzləri, 686-sı sosial media, 2 284-ü vatsap xidməti vasitəsilə, 1084-ü elektron, 1027-si yazılı formada yönləndirilib. Vətəndaş qəbulu zamanı isə 1186 müraciət qeydə alınıb.
Müraciətlər şagirdlərin yerdəyişməsi, təhsil haqqı və güzəştlər, məktəbəqədər təhsil müəssisələrinə qəbul, təhsil tələbə krediti və digər məsələlərlə bağlı olub.
Bölmənin digər xəbərləri
