Fəzail İbrahimli: Geosiyasi vəziyyət hər birimizi həmrəy olmağa vadar edir
Bakı, 1 noyabr, AZƏRTAC
Geosiyasi vəziyyət və dövlətlərin Azərbaycan marağı hər birimizi həmrəy olmağa vadar edir.
AZƏRTAC xəbər verir ki, bunu Milli Məclisin İctimai birliklər və dini qurumlar komitəsinin sədri Fəzail İbrahimli noyabrın 1-də komitənin “Parlament-QHT əməkdaşlığının gücləndirilməsi” mövzusunda keçirilən ictimai dinləmədə söyləyib.
Komitə sədri bildirib ki, dünyada gedən proseslər, regionda Azərbaycanın yaratdığı reallıq bir çoxlarının xoşuna gəlmir. Azərbaycan öz gücünə 30 il işğalda olan torpaqlarını azad edib.
“Biz məhz qurbanlar, şahidlərimizin hesabına dövlətçiliyimizi, varlığımızı qoruyub saxlaya bilmişik. Bizim bu gün əvvəlkindən daha çox birliyə, həmrəyliyə ehtiyacımız var. Biz məhz şəhidlərimizin ruhuna ehtiram əlaməti olaraq birlik nümayiş etdirməliyik”, - deyə Fəzail İbrahimli vurğulayıb.
Bölmənin digər xəbərləri
