FİDE II İntellektual Oyunların iştirakçılarının yekun siyahısını dərc edib
Bakı, 27 oktyabr, AZƏRTAC
Beynəlxalq Şahmat Federasiyası II İntellektual Oyunların (IMSA) iştirakçılarının yekun siyahısını dərc edib. Dekabrın 8-dən 15-dək Çinin Huayan şəhərində keçiriləcək turnirdə 12 qadın və 12 kişi şahmatçı iştirak edəcək.
AZƏRTAC xəbər verir ki, Azərbaycan qrossmeysteri Şəhriyar Məmmədyarov da iştirakçılar siyahısındadır. O, yarışın reytinq-favoriti sayılır.
Ehtiyat iştirakçıların siyahısına Azərbaycanın ikinci təmsilçisi - qrossmeyster Rauf Məmmədov başçılıq edir.
Qadın şahmatçılar arasında ukraynalı Anna Muzıçuk reytinq-favorit sayılır.
IMSA çərçivəsində sürətli şahmat (İsveçrə sistemi, 11 tur), blitsturnir (dairəvi sistem) və “bask sistemində” (İsveçrə sistemi) yarışlar keçiriləcək.
Bölmənin digər xəbərləri
