FİDE PEŞƏKAR ŞAHMATÇILARIN NÖVBƏTİ REYTİNQİNİ YAYMIŞDİR
Beynəlxalq Şahmat Federasiyası (FİDE) peşəkar şahmatçıların növbəti reytinqini dərc etmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, gənc Azərbaycan qrossmeysteri Teymur Rəcəbov 2648 bal toplamış, bu isə onun 46-cı yeri tutmasına imkan vermişdir. FİDE 20 yaşınadək olan ən güclü qrossmeysterlərin də reytinqini dərc etmişdir. 16 yaşlı Teymur Rəcəbov bu siyahıda 3-cü yeri tutaraq, yalnız 20 yaşlı rusiyalı Aleksandr Qrişşukdan və ukraynalı Ruslan Ponomaryovdan geri qalmışdır.
Bölmənin digər xəbərləri
