FIG Akademiyasının kişi idman gimnastikası üzrə məşqçilik kurslarının nəticələri açıqlanıb
Bakı, 28 yanvar, AZƏRTAC
Azərbaycan Gimnastika Federasiyasının (AGF) yerli məşqçilər üçün təşkil etdiyi və Beynəlxalq Gimnastika Federasiyası (FIG) Akademiyası tərəfindən keçirilən kişi idman gimnastikası üzrə ikinci dərəcəyə aid məşqçilik kurslarının nəticələri açıqlanıb.
AZƏRTAC AGF-yə istinadla xəbər verir ki, Bakıda baş tutan kurslarda iştirak etmiş 12 məşqçimizin hər biri imtahanları uğurla verərək, beynəlxalq sertifikatlar alıb və məşqçilik üzrə ikinci dərəcəyə sahib olub.
Qeyd edək ki, həm nəzəriyyə, həm də təcrübi hissələrindən ibarət olan kurslarda biomexanika, anatomiya və psixologiya mövzuları üzrə təlimlər FIG-nin mütəxəssisləri Levit Andrey (Polşa) və Kris Evans (Böyük Britaniya) tərəfindən keçirilib.
Bölmənin digər xəbərləri
