“Forrest Qamp” kitabının müəllifi vəfat etdi
Bakı, 18 sentyabr, AZƏRTAC
“Forrest Qamp” kitabının müəllifi Uinston Qrum 77 yaşında ABŞ-da vəfat edib.
AZƏRTAC RİA Novosti saytına istinadla xəbər verir ki, bu barədə Alabama ştatının Ferhop şəhərinin meri Kerin Uilson məlumat yayıb.
“Forrest Qamp” kitabı ekranlaşdırılması nəticəsində 1986-cı ildə müəllifin ən populyar əsərinə çevrildi. Film altı dəfə Oskar mükafatına layiq görülüb. Kitabda hadisələr əqli cəhətdən geri qalmış gəncin dilindən söylənilir.
1995-ci ildə U.Qrum kitabın davamı olaraq “Qamp və kompaniya” əsərini yazır. O, əsərin ekranlaşdırılmasına çalışsa da, baş tutmur. U.Qrum, həmçinin sənədli nəsr janrında bir neçə kitab yazıb.
Bölmənin digər xəbərləri
