Fövqəladə hallar nazirinin vətəndaşlarla görüşünün tarixi dəyişib
Bakı, 24 iyun, AZƏRTAC
Fövqəladə hallar naziri Kəmaləddin Heydərov tərəfindən iyunun 27-də Şamaxı şəhərində keçirilməsi nəzərdə tutulan vətəndaş qəbulunun tarixi dəyişib.
Bu barədə AZƏRTAC-a Fövqəladə Hallar Nazirliyinin (FHN) mətbuat xidmətindən məlumat verilib.
Bildirilib ki, Şamaxı və Qobustan rayonları sakinlərinin qəbulu iyunun 30-da Şamaxı Olimpiya Mərkəzinin inzibati binasında saat 10.00-da başlayacaq. Qəbula gələn vətəndaşların qeydiyyatı iyunun 29-da həmin mərkəzin inzibati binasında saat 09:00-dan aparılacaq.
Qəbulda yalnız FHN-in səlahiyyətlərinə aid müraciətlərə baxılacaq. Qəbula gələn vətəndaşlar şəxsiyyəti təsdiq edən sənəd təqdim etməlidirlər.
Vətəndaşlar qəbulla bağlı (012) 512-01-14 nömrəli telefona zəng edə və [email protected] elektron poçt ünvanına yaza da bilərlər.
Bölmənin digər xəbərləri
