FÖVQƏLADƏ HALLAR NAZİRLİYİNDƏ GÖRÜŞ
Bakıda keçirilən və avqustun 31-dək öz işini davam etdirəcək biznes forumu haqqında məlumat verən Li Von Qul demişdir ki, müştərək müəssisələrin yaradılması, qeyri-neft sektoruna sərmayələrin cəlb olunması barədə müzakirələrin aparıldığı tədbirdə Koreya Respublikasını 34 müxtəlif təşkilat və şirkət, eləcə də 61 mütəxəssis təmsil edir. Ümumilikdə isə foruma hər iki ölkənin 100-dən artıq dövlət və özəl şirkətlərinin təmsilçiləri qatılmışlar ki, bu da tədbirin əhəmiyyətinin əyani göstəricisidir.
MDB-nin digər ölkələrindən fərqli olaraq məhz Azərbaycan ilə daha sıx münasibətlərin qurulması məqsədi ilə Koreyanın Sənaye və Energetika Nazirliyində xüsusu işçi qrupunun yaradılmasını xatırladan qonaq qeyd etmişdir ki, bu vacib işə Koreya Respublikasının Azərbaycandakı səfirliyi də qoşulmuşdur.
Bakıda keçirilən Azərbayacan-Koreya biznes forumunu və ölkələrimiz arasında ticarət əlaqələrinin inkişaf dinamikasını yüksək qiymətləndirən Kəmaləddin Heydərov, ilbəil möhkəmlənən Azərbaycan-Koreya əməkdaşlığının perspekivlərindən danışmışdır. Koreya Prezidentinin Azərbaycana səfərindən sonra Fövqəladə Hallar Nazirliyi Tikintidə Təhlükəsizliyə Nəzarət üzrə Dövlət Agentliyinin nəzdində işçi qrupunun yaradıldığını xatırladan nazir, aparılan müzakirələrin nəticəsi olaraq atılacaq addımların ümumi işə fayda verəcəyini bildirmişdir.
Görüşdə tərəfləri maraqlandıran məsələlər ətrafında geniş fikir mübadiləsi aparılmışdır.
Bölmənin digər xəbərləri
