FRANSADA RƏSMİ SƏNƏD YAYILMIŞDIR
Azərbaycan Respublikasının Fransadakı səfirliyi Xocalı faciəsinin 10 illiyi ilə əlaqədar xüsusi bülleten hazırlayaraq, onu rəsmi sənəd kimi Prezident aparatına, Nazirlər kabinetinə, Senata, Milli assambleyaya, xarici islər nazirliyinə və Fransada akkreditə olunmuş 154 ölkənin səfirliyinə yaymışdır.
Bülletendə 1992-ci il fevralın 25-dən 26-na keçən gecə erməni silahlı birləşmələrinin keçmiş Sovet ordusunun 366-cı alayının bilavasitə iştirakı ilə 7 minə yaxın əhalisi olan Xocalı şəhərinə hücum edərək soyqırım törətməsi barədə faktlar öz əksini tapmışdır.
Fevralın 26-da səfir Eleonora Hüseynova SOS Beynəlxalq Təşkilatının prezidenti Fransuaz Rudetski ilə görüşündə erməni silahlı qüvvələrinin Xocalı şəhərində törətdikləri cinayət haqqında ona ətraflı məlumat vermişdir.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
