Futbol üzrə Azərbaycan millisinin üzvü Braziliya mətbuatına müsahibə verib
Madrid, 24 oktyabr, AZƏRTAC
Futbol üzrə Azərbaycan milli komandasının və “Qarabağ” klubunun yarımmüdafiəçisi əslən braziliyalı Riçard Almeyda ölkəsinin “Diario do Grande ABC” nəşrinə müsahibə verib.
AZƏRTAC xəbər verir ki, “Riçard Azərbaycanda parlayır” sərlövhəli yazıda müəllif Anderson Fattori futbolçunun karyerası haqqında məlumat verib. Onun 2012-ci ildən bəri “Qarabağ” klubunda oynadığı, 2016-cı ilin sonundan etibarən Azərbaycan millisinin üzvü olduğu xatırlanır.
R.Almeyda müsahibəsində Azərbaycanda ona böyük hörmət və diqqət göstərildiyini, xalqımızın qonaqpərvər olduğunu, ölkəmizdə özünü xoşbəxt hiss etdiyini deyib.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
