Futzal üzrə Azərbaycan çempionatında mövsümün ən böyükhesablı qələbəsi qeydə alınıb
Bakı, 30 aprel, AZƏRTAC
Bu gün Yüksək Liqada XVIII turun oyunları keçirilib.
AZƏRTAC xəgər verir ki, lider “Neftçi” “Şuşa”nın qapısından 28 cavabsız top keçirib. Bu, cari mövsümdə qeydə alınan ən böyükhesablı qələbədir. Çempionatın bombardiri Allef Maiolli və komanda yoldaşı Leonildo Rodriqes hərəyə 6 dəfə rəqib qapısına yol tapıblar.
Digər matçda isə “Baku Fire” gənclər yığmasından güclü olub. “Araz-Naxçıvan” isə 3 xalı meydana çıxmadan qazanıb. Belə ki, “Lənkəran” yarışdan çəkildiyinə görə, “qırmızı-ağlar”ın xal ehtiyatı artıb.
Bölmənin digər xəbərləri
