Füzuli rayonunda COVID-19-a qarşı profilaktik tədbirlər görülür
Füzuli, 16 mart, AZƏRTAC
Koronavirus (COVID-19) infeksiyasının yayılmasının qarşısını almaq məqsədilə respublikamızın bütün bölgələrində olduğu kimi, Füzuli rayonunda da profilaktik tədbirlər görülür, dezinfeksiya işləri həyata keçirilir.
AZƏRTAC-ın bölgə müxbiri xəbər verir ki, Füzuli rayon Gigiyena və Epidemiologiya Mərkəzi tərəfindən indiyədək rayonun işğaldan azad edilmiş ərazilərində yerləşən 46 təhsil müəssisəsi, 32 uşaq bağçası, 36 tibbi müəssisəsi, 64 mədəni-maarif obyekti, 58 digər təyinatlı bina olmaqla, ümumilikdə, 236 bina dezinfeksiya edilib.
Rayon baytarlıq idarəsi tərəfindən də koronavirusa qarşı profilaktik tədbirlər davam etdirilir. Bu günədək rayon ərazisində yerləşən 23 fermada dezinfeksiya tədbirləri aparılıb.
Koronavirus epidemiyasına qarşı mübarizədə əhalinin maarifləndirilməsi də vacibdir. Odur ki, bu məqsədlə insanların daha çox olduğu yerlərdə geniş izahat işləri aparılır.
Bölmənin digər xəbərləri
