G7 nazirləri nadir metalların tədarükünü müzakirə edəcəklər
Bakı, 12 yanvar, AZƏRTAC
“Böyük yeddilik” (G7) ölkələrinin nazirləri nadir metalların tədarükü məsələsini müzakirə etmək üçün görüş keçirəcəklər.
AZƏRTAC xəbər verir ki, ABŞ-ın paytaxtı Vaşinqtonun ev sahibliyi edəcəyi görüşdə əsas müzakirə mövzusu Çinin dominantlıq etdiyi sektorda alternativ təchizat mənbələrinin inkişaf etdirilməsi üçün birgə səylərin artırılması olacaq.
Görüşdə, həmçinin Avropa İttifaqı, Avstraliya, Koreya Respublikası, Hindistan və Meksikadan rəsmilərin iştirakı gözlənilir.
Mütəxəssislərə görə, görüş qiymətli metalların qiymətindəki artımlar və Çinin tətbiq etdiyi yeni ixrac məhdudiyyətləri ilə bağlı narahatlıqlar fonunda baş tutacaq. G7 nazirlərinin bu proseslərin gedişində kritik minerallar üçün xammal və qlobal təchizat zəncirlərini müzakirə etməsi başa düşüləndir.
Bölmənin digər xəbərləri
