GƏLƏCƏK ZABİTLƏR 20 YANVAR FACİƏSİNİN İLDÖNÜMÜNÜ QEYD ETMƏYƏ HAZIRLAŞIRLAR
AZƏRTAC xəbər verir ki, “20 Yanvar faciəsinin 15-ci ildönümünün keçirilməsi haqqında” Azərbaycan Respublikası Prezidentinin Sərəncamına uyğun olaraq Heydər Əliyev adına Azərbaycan Ali Hərbi, Hərbi Dənizçilik, Hərbi Təyyarəçilik məktəblərində və C.Naxçıvanski adına hərbi liseydə geniş tədbirlər planı hazırlanmışdır. Məktəblərdə şəhidlərimizin qəhrəmanlığına həsr olunmuş guşələr, fotostendlər yaradılır. Yanvarın 19-da hərbi ali məktəblərdə və liseydə birinci dərs azadlığımız və müstəqilliyimiz uğrunda canlarından keçmiş, şəhid qanları ilə xalqımızın qəhrəmanlıq salnaməsinə parlaq səhifə yazmış Vətən övladlarına həsr olunacaqdır. Həmin dərslərdə sovet qoşunlarının törətdiyi qanlı cinayətin mahiyyətinin ümummilli liderimiz Heydər Əliyevin hakimiyyətə qayıdışından sonra - 1994-cü ildə onun təşəbbüsü və iştirakı ilə açıqlandığı, bu cinayətə hüquqi-siyasi qiymət verildiyi, günahkarların adlarının ictimaiyyətə açıqlandığı bir daha gələcək zabitlərin diqqətinə çatdırılacaqdır.
Yanvarın 20-də hərbi ali məktəblərin zabit və kursant heyəti Şəhidlər xiyabanını ziyarət edəcəkdir.
Bölmənin digər xəbərləri
