Gəncə şəhərində narkotiklərin qanunsuz dövriyyəsində şübhəli bilinən keçmiş məhkum tutulub
Bakı, 5 aprel, AZƏRTAC
Gəncə şəhərində narkotiklərin qanunsuz dövriyyəsində şübhəli bilinən keçmiş məhkum tutulub.
Daxili İşlər Nazirliyinin mətbuat xidmətindən AZƏRTAC-a verilən məlumata görə, narkotiklərin qanunsuz dövriyyəsində şübhəli bilinən Gəncə şəhər sakini, əvvəllər məhkum olunmuş X.Talıbov Gəncə şəhər Nizami Rayon Polis İdarəsinin əməkdaşlarının daxil olmuş məlumat əsasında keçirdikləri əməliyyat tədbiri nəticəsində saxlanılıb. Axtarış zamanı ondan 51 qrama yaxın heroin və nömrəsi silinmiş, lüləsi və qundağı kəsilmiş “İJ” markalı ov tüfəngi götürülüb.
Faktla bağlı təhqiqatlar davam etdirilir.
Bölmənin digər xəbərləri
