“Gender bərabərliyi və inklüzivlik”: qız futbolunun inkişafı istiqamətində layihə həyata keçirilir
Bakı, 3 iyul, AZƏRTAC
Azərbaycan Xüsusi Olimpiya Komitəsi BMT-nin Əhali Fondunun (UNFPA) Azərbaycan nümayəndəliyi ilə birgə Şəki Xüsusi Olimpiya Regional filialında “Gender bərabərliyi və inklüzivlik” istiqamətində layihə həyata keçirir.
Azərbaycan Xüsusi Olimpiya Komitəsindən AZƏRTAC-a verilən məlumata görə, layihə çərçivəsində 2019-cu ilin iyun-oktyabr ayları ərzində əqli və sağlamlıq məhdudiyyəti olan və olmayan qızlar arasında bərabər imkanların təmin olunması istiqamətində qız futbolunun inkişafı ilə bağlı işlərin görülməsi nəzərdə tutulub.
Layihədə Şəki İnteqrasiya təlimli internat tipli gimnaziya, Şəki qarışıq tipli uşaq evi, 20 saylı tam orta məktəb, 11 saylı tam orta məktəb, 6 saylı tam orta məktəb və 17 saylı tam orta məktəb kimi tədris müəssisələri iştirak edəcək.
Bölmənin digər xəbərləri
