Gömrük Komitəsinin Akademiyasının tələbələri ABŞ-da gömrük orqanlarının fəaliyyəti barədə məlumatlandırılıb
Bakı, 27 noyabr, AZƏRTAC
Ümumdünya Gömrük Təşkilatının (ÜGT) nümayəndəsi Gömrük Komitəsinin Akademiyasında tələbələri gömrük orqanlarının fəaliyyəti barədə məlumatlandırıb.
Dövlət Gömrük Komitəsinin mətbuat xidmətindən AZƏRTAC-a bildirilib ki, Azərbaycanda səfərdə olan Ümumdünya Gömrük Təşkilatı Nəzarət və Sadələşdirmə İdarəsinin texniki attaşesi David Kane noyabrın 30-da Hava Nəqliyyatında Baş Gömrük İdarəsinə baş çəkib. Qonaq Hava Nəqliyyatında Baş Gömrük İdarəsində “Hədəf” mərkəzinin və sərnişin şöbəsinin fəaliyyəti ilə tanış olub.
Sonra D.Kane Dövlət Gömrük Komitəsinin Akademiyasında dördaylıq kurslara cəlb olunan gömrük əməkdaşları və Akademiyanın tələbələri ilə görüşüb. O, ABŞ-da hüquq-mühafizə sistemləri, gömrük orqanlarının fəaliyyəti və ÜGT-nin hüquq-mühafizə sahəsində gördüyü işlər barədə müdavimləri və tələbələri məlumatlandırıb, onları maraqlandıran suallara cavab verib.
D.Kane ÜGT-nin Bakı şəhərindəki Regional Kinoloji Mərkəzinin fəaliyyəti ilə də tanış olub.
Bölmənin digər xəbərləri
