Sentyabrın 10-da Milli Olimpiya Komitəsinin binasında “Gömrükçü” qadın futbol komandasının UEFA kuboku uğrunda dörddə bir finala çıxmasına həsr olunmuş mətbuat konfransı keçirilmişdir.

Milli Olimpiya Komitəsinin vitse-prezidenti, “Gömrükçü” idman-sağlamlıq mərkəzinin prezidenti Xəzər İsayev bildirmişdir ki, iki il əvvəl yaradılmış komandanın dörddə bir finala çıxması Azərbaycan idmanı üçün böyük nailiyyətdir. Onun uğuru bütün Azərbaycan idmanının uğurudur. Futbolçu qızlarımız yüksək texniki və psixoloji hazırlıq nümayiş etdirmişlər”.

Komandanın baş məşqçisi Əbdülqəni Nurməmmədov demişdir ki, futbolçularımız 15-18 günlük ilk toplantını Moskvada keçirəcəklər. Oktyabrın 31-də isə komanda Kopenhagenə yola düşəcək və UEFA kuboku yarışlarının yarımfinalına çıxmaq uğrunda noyabrın 1-də orada keçiriləcək yarışda danimarkalı futbolçularla görüşəcəkdir. Cavab görüşü noyabrın axırlarında Bakıda keçiriləcəkdir.