Göyçayda keçirilən yaşıllaşdırma aksiyasında 4 min ədəd ağac əkilmişdir
Göyçay, 17 mart (AZƏRTAC). Novruz bayramı ərəfəsində Göyçay rayonunda ağacəkmə aksiyası keçirilmişdir.
AZƏRTAC xəbər verir ki, iməcilikdə rayon icra hakimiyyətinin, idarə, müəssisə və təşkilatların kollektivləri, təhsil və səhiyyə işçiləri, gənclər, sadə insanlar iştirak etmişlər. İki gün ərzində rayon ərazisində 4 min ədəd müxtəlif növ ağac əkilmişdir. Yaşıllaşdırma kampaniyasında iştirak edən əmək kollektivləri əkdikləri ağaclara mütəmadi olaraq qulluq göstərəcəklər.
Xatırladaq ki, ağac əkiləcək ərazilər plan üzrə idarə və təşkilatlar arasında bölünmüşdür. Göyçay şəhərində və kəndlərdə hər həftənin şənbə və bazar günlərində iməciliklər keçirilir. Ağac əkini kampaniyası zamanı Göyçay rayon Yaşıllaşdırma İdarəsinin tingçilik təsərrüfatında yetişdirilən ağaclardan istifadə olunmuşdur.
İlin əvvəlindən bu günədək Göyçay şəhərinin küçə və parklarına sosial obyektlərin ətrafına, yolların kənarına ümumilikdə 25 min ədəd müxtəlif növ ağac və gül kolu əkilmişdir. İməciliklər zamanı rayon ərazisindən keçən Bakı-Şamaxı-Yevlax magistral avtomobil yollunun kənarlarında da təmizlik-abadlıq işləri görülmüş, yaşıllıq zolağı salmışdır.
Bölmənin digər xəbərləri
