“Green Carpet Fashion Awards” mükafatı qayıdacaq
Bakı, 22 yanvar, AZƏRTAC
“Green Carpet Fashion Awards” (GCFA) mükafatı yenidən qarşılıqlı əlaqədə olan mədəni dəyişikliklər ideyasını təşviq edərək və çox sayda sahələri birləşdirərək, martın 6-da doğma Los-Anceles şəhərinə qayıdacaq.
AZƏRTAC rəsmi sayta istinadla xəbər verir ki, “Green Carpet Fashion Awards” qarşılıqlı əlaqədə olan mədəni dəyişiklikləri və onları stimullaşdıran ən ilhamverici səyləri müdafiə edərək, müsbət dəyişikliklər üçün moda və əyləncə gücünü birləşdirir.
GCFA 2023-cü ilin mart ayında ABŞ-da, Los-Ancelesdə “Oskar həftəsi” zamanı çox böyük qlobal auditoriya qarşısında ilk dəfə çıxış edib.
Qurucu Liviya Fert ilə birlikdə 2024-cü ildəki tədbirin həmsədrləri aktrisalar Keyt Blanşet, Helen Hant, Culiana Mur və Zendaya, eləcə də müğənni, “The Circle” qeyri-hökumət təşkilatının fəalı və qurucusu Enni Lennoks, Braziliyanın yerli xalqlarının işləri naziri Saniya Quaxaxara və Uqandadan iqlim ədaləti fəalı Vanessa Nakate olacaq. Qalan təfərrüatlar daha sonra elan olunacaq.
Mükafatın laureatları altı mədəni arxetip əsasında seçilir: “Gələcəyi bilən” ( The Visionary), “Elçi”( The Messenger), “Qiyamçı” (The Rebel), “Loğman” (The Healer), “Müdrik insan” (The Sage) və “Futurist” (The Futurist). Onlardan hər biri istənilən cəmiyyətə ayrıca kollektiv transformasiyadır.
Ötən ilin qaliblərinin arasında aşağıdakılar olub: Tom Ford - “The Visionary”; İngiltərənin “Vogue” jurnalının baş redaktoru Edvard Enninful - “The GCFA Game Changer”; “Gucci” brendi - “The Futurist” və dizayner Gabriela Herst - “The Sage”.
GCFA-nın məlumatına görə, seçilmiş hər bir insan, “daha işıqlı kollektiv gələcək” üçün təşkilatın “əsl seksiyalararası transformasiyaya yeni baxış” adlandırdığını təklif edərək, davamlı landşaftdakı roluna görə tanınır.
Bölmənin digər xəbərləri
