GUAM ölkələri arasında nəqliyyat dəhlizinin yaradılması məsələsi müzakirə olunub
Kiyev, 26 noyabr, AZƏRTAC
GUAM-ın Milli Əlaqələndiricilər Şurasının 57-ci iclası keçirilib.
AZƏRTAC xəbər verir ki, pandemiya səbəbindən Milli Əlaqələndiricilər Şurasının 57-ci iclasının onlayn şəkildə keçirilib.
İclasda GUAM ölkələri arasında siyasi təmasların genişləndirilməsi, koronavirusa qarşı birgə mübarizə, malların mənşəyinin müəyyənləşdirilməsi qaydaları barədə protokolun imzalanması, beynəlxalq təşkilatların GUAM-la əməkdaşlığı məsələləri müzakirə olunub. Bundan başqa, GUAM nəqliyyat dəhlizinin texniki və iqtisadi əsaslandırılmasının həyata keçirilməsi, Avropa İttifaqının buna dəstəyi, GUAM ölkələri arasında azad ticarət zonasının yaradılması məsələsi ətrafında da fikir mübadiləsi aparılıb.
Onlayn iclasda Azərbaycanı xarici işlər nazirinin müavini Mahmud Məmməd-Quliyev təmsil edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
