GÜRCÜ PƏHLƏVANI GİNNESİN REKORDLAR KİTABINA DÜŞMƏK İSTƏYİR
AZƏRTAC-ın müxbiri xəbər verir ki, 23 yaşlı gürcü idmançısı, yunan-Roma güləşi üzrə ölkə çempionu Laşa Pataraya Ginnesin kitabına düşmək üçün qulaqla ağırlıq qaldırmaqda iki dünya rekordunu təzələməyi qərara almışdır. Oktyabrın 29-da o, Tbilisidə mötəbər münsiflər heyəti qarşısında “Ford” markalı mikroavtobusu neylon iplə qulaqlarına bağlayıb yerindən tərpətmək, habelə 52 kiloqramlıq idman daşını yerdən qaldırmaq niyyətindədir.
Beləliklə, Pataraya bunları edərsə, çinli Li Dzyan Huanın göstərdiyi və Ginnesin kitabına düşmüş rekordunu təzələmiş olacaqdır. Xatırladaq ki, 2001-ci ildə Hua 50 kq ağırlığında bir qalaq kərpici qulaqları ilə yerdən qaldırmış və 9,3 saniyə havada saxlamışdır.
Bölmənin digər xəbərləri
