Gürcüstan hökuməti quru sərhədlərin açılması məsələsini müzakirə edir
Tbilisi, 29 mart, AZƏRTAC
Gürcüstan hökuməti quru sərhədlərin açılması məsələsini nəzərdən keçirir.
AZƏRTAC xəbər verir ki, bu barədə Gürcüstanın iqtisadiyyat və davamlı inkişaf naziri Natia Turnava məlumat verib.
Nazir deyib ki, milli valyuta - larinin məzənnəsinin sabitliyini bərpa etmək, iqtisadiyyatı inkişaf etdirmək üçün ölkəyə valyuta axını olmalıdır. Bunun üçün isə turizmin bərpası və inkişafı çox vacibdir.
Onun sözlərinə görə, turizmin bərpası üçün əsas məhdudiyyətlər artıq aradan qaldırılıb. Əsas maneələrdən biri də quru sərhədlərlə bağlıdır. “Hökumət hazırda quru sərhədlərin açılması üçün ilkin şərtləri müzakirə edir. İnanırıq ki, bu, bizim maliyyə bazarımız üçün yaxşı nəticələr verəcək”, - deyə N.Turnava vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
