GÜRCÜSTAN PAYTAXTI QAZSIZ QALIB

07.09.2003 [14:10]
Çap et
A⁺ A^-

AZƏRTAC-ın müxbiri xəbər verir ki, sentyabrın 7-si səhərdən Gürcüstan paytaxtının mavi yanacaqla təchizatı tamamilə dayandırılmışdır. Xatırladaq ki, “İtera” beynəlxalq şirkətlər qrupu hələ sentyabrın 2-də borcların vaxtında ödənilməməsi üzündən Tbilisiyə təbii qaz verilməsini dayandırmışdı. “Tbilqaz” SC-nin baş direktoru Tengiz Abşilava jurnalistlərə bildirmişdir ki, son bir neçə gün ərzində paytaxtın 180 min kubmetr “mavi yanacağa” olan ehtiyacını Gürcüstanın qazın nəqli üzrə şirkəti ödəyirdi. Baş direktorun sözlərinə görə, “bu gün onun da qaz ehtiyatı tükənmişdir”.

Abşilava demişdir ki, “Tbilqaz” iyul ayındakı borclarını “İtera”nın hesabına köçürdükdən sonra qaz verilməsi məsələsi demək olar ki, həll edilmişdi. Lakin “İtera” avqust ayı üçün olan borcların bir hissəsini – 280 min ABŞ dolları həcmində məbləği də ödəməyi tələb edir. İlkin razılaşmaya görə, həmin borcun sentyabrın 15-dək ödənilməsi nəzərdə tutulmuşdu. “Tbilqaz”ın rəhbərliyi hazırda Rusiyanın “Qazprom” şirkəti ilə danışıqlar aparır. Bu şirkətin gələcəkdə Gürcüstanın qaz bazarında “İtera”nı əvəz edəcəyi gözlənilir.

GÜRCÜSTAN PAYTAXTI QAZSIZ QALIB

MÜƏLLİFLƏ ƏLAQƏ

Bölmənin digər xəbərləri