Gürcüstana səfər edən Azərbaycan vətəndaşlarının sayı artıb
Bakı, 5 dekabr, AZƏRTAC
Bu ilin 11 ayında Gürcüstana səfər edənlərin sayına görə Azərbaycan ilk beşlikdədir.
AZƏRTAC xəbər verir ki, bu barədə Gürcüstan Milli Turizm Administrasiyasının rəhbəri Georgi Çoqovadze məlumat verib.
Rusiya, Türkiyə, İran və Ermənistan liderlər beşliyinə daxildir.
Yanvar-noyabr aylarında Azərbaycandan Gürcüstana 1,556,498 nəfər səfər edib. Noyabr ayında isə bu ölkəyə səfər edənlərin sayı 125 mindən çox olub.
Cari ilin on bir ayında Gürcüstanı 7 milyondan çox əcnəbi ziyarət edib ki, bu da ötən ilin eyni dövrü ilə müqayisədə 18,4 faiz çoxdur. Təkcə noyabr ayında Gürcüstana 524,1 min əcnəbi səfər edib.
Bölmənin digər xəbərləri
