Gürcüstanda koronavirus xəstələrinin sayı sürətlə artır
Tbilisi, 1 dekabr, AZƏRTAC
Gürcüstanda koronavirusa yoluxanların sayı artmaqda davam edir. Son sutka ərzində ölkədə daha 3 min 759 nəfərdə koronavirus təsdiqlənib. 3574 nəfər sağalıb, 36 pasiyent isə həyatını itirib.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat verilib.
Bildirilir ki, bununla da ölkədə indiyədək COVID-19-a yoluxanların ümumi sayı 139 343-ə çatıb. Yoluxan şəxslərin 117 560-ı sağalıb, 1 303-ü isə ölüb.
Hazırda karantində 1 978, stasionar nəzarətdə 6 366 nəfər saxlanılır.
Xəstəliyi yüngül keçirən 3 708 nəfər isə xüsusi otellərdə müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
