Gürcüstanda koronavirusa yoluxanların sayı yenidən kəskin artıb
Tbilisi, 12 yanvar, AZƏRTAC
Gürcüstanda son sutkada 17 795 nəfər koronavirusla əlaqədar test olunub. Onların da 1857-də koronavirus aşkarlanıb. Son 24 saat ərzində 993 nəfər müalicə olunaraq sağalıb, 24 nəfər isə pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, bununla da ölkədə COVID-19-a yoluxanların ümumi sayı 241 min 637 nəfərə çatıb.
Yoluxanların 227 208-i sağalıb, 2 820-si isə ölüb.
Hazırda karantin rejimində 514, stasionar nəzarətdə 3 879 nəfər saxlanılır. Daha 569 nəfər isə xüsusi otellərdə müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
