Gürcüstanın hakim partiyası ölkənin baş naziri vəzifəsinə namizədini açıqlayıb
Tbilisi, 14 dekabr, AZƏRTAC
Gürcüstanın hakim "Gürcü Arzusu-Demokratik Gürcüstan" partiyası ölkənin baş naziri vəzifəsinə yeni namizədinin adını açıqlayıb.
AZƏRTAC xəbər verir ki, hakim partiya sabiq baş nazir Giorgi Qaxariyanın baş nazir vəzifəsinə namizədliyini parlamentə rəsmən təqdim edib.
Baş nazir təsdiqlənəndən sonra hökuməti formalaşdırmağa başlayacaq. Yeni hökumətin tərkibi müəyyən olunandan sonra təsdiqlənməsi üçün həftənin sonunadək qanunverici orqana göndəriləcək. Hökumətə etimadın göstərilməsi üçün ən azı 76 deputatın dəstəyi tələb olunur.
Qeyd edək ki, 45 yaşlı G.Qaxariya 2019-cu ilin sentyabrından hökumət başçısı vəzifəsini tutub. Bundan əvvəl o, daxili işlər naziri olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
