Həcc zəvvarları Ərafat dağı düzənliyinə yola düşüblər
Bakı, 26 may, AZƏRTAC
Çərşənbə axşamı təxminən 1,8 milyon zəvvar illik Həcc ziyarətinin ən qızğın vaxtında Səudiyyə Ərəbistanının qərbindəki Ərafat dağı düzənliyinə yola düşüb.
AZƏRTAC Səudiyyə Ərəbistanı Mətbuat Agentliyinə (SPA) istinadla xəbər verir ki, zəvvar karvanları təsdiq edilmiş planlara uyğun olaraq izdihamı idarə etmək üçün marşrutlar və piyada yolları boyunca yerləşdirilən təhlükəsizlik qüvvələri tərəfindən yaxından izlənilib.
Agentlik zəvvarlar Minadan Ərəfata gedərkən nəqliyyatın hərəkətinin rahat olduğunu bildirib. Onlar günorta namazını Namirə məscidində qılacaqlar. Gün batanda isə zəvvarlar Müzdəlifaya gedəcəklər və orada Günəşin qürubu fonunda xütbə namazlarını qılacaqlar, sonra isə növbəti günün sübhünə qədər gecələyəcəklər.
Həcc mərasimləri rəsmi olaraq bazar ertəsi günü zəvvarların Səudiyyə Ərəbistanının qərbindəki Minaya gəlməsi ilə başlayıb. Onların ziyarətini asanlaşdırmaq üçün geniş ibadət və təhlükəsizlik tədbirləri görülüb.
Bölmənin digər xəbərləri
